Wenn een sülven in`t „Erziehungwesen“ arbeit hett un de Bröder Paster un Dokter wärn, denn fallt een allerhand achtersinnige Leder över Leben und Dot in. Noch beter is dat, wenn man de Texten to bekannte Melodien vun Gershwin un Mustaki un so wieder singen deiht.
Dat hett Jochen Jacobsen an letzten Fredag in de Kulturkaat in Henstedt-Ulzburg ünnerstütt vun Ulli Alsen in ersten Deel vun sein Programm wunnerbar dan. Twüschen de Leder vertell he allerhand Döntjes, sünnerlich von de muulfuulen Norddütschen.
In den tweten Deel wer nicht blos de Spraak platt. Aber de Lüüd hett dat, as dat den Anschien hal, gefullen – un dat is ja de Hauptsaak.
Jacobsen un Alsen hal`n `n barg „Equipment“ op de Bühn, man goot, dat Ulli Alsen slank is. De Tohörers kunnen sik ok över de Texten an ne Wand freien, de se tun mitsingen good gebruken kunnen.
Dat wer weder mal een vergnögten Avend in de Kulturkaat utricht von den Kulturfördervereen forum.
H-UN
15. Dezember 2015